የፍኖተ ዳሞት ፖሊ ቴክኒክ ኮሌጅ የአረንጓዴ ልማት እና የተሻሻሉ የፍራፍሬ ዝርያዎች እንክብካቤ እንቅስቃሴ

የፍኖተ ዳሞት ፖሊ ቴክኒክ ኮሌጅ የአረንጓዴ ልማት እና የተሻሻሉ የፍራፍሬ ዝርያዎች እንክብካቤ እንቅስቃሴ

ፍኖተ ዳሞት ፖሊ ቴክኒክ ኮሌጅ በአካባቢ ጥበቃ እና በአረንጓዴ ልማት ስራዎች ላይ ከፍተኛ ትኩረት በመስጠት ሰፊ እንቅስቃሴዎችን በማከናወን ላይ ይገኛል። ኮሌጁ ተቋማዊ አካባቢውን ለማስዋብ እና ለምግብ ዋስትና አስተዋጽኦ ለማበርከት በማለም የተሻሻሉ የማንጎ እና የአቦካዶ ተክሎችን በግቢው ውስጥ በመትከልና ጥንቃቄ የተሞላበት እንክብካቤ በማድረግ ላይ ይገኛል።

በሐምሌ 20/2018 ዓ.ም በተከናወነው ተግባርም ኮሌጁ ተጨማሪ 200 (ሁለት መቶ) የተሻሻሉ የማንጎ ዝርያ ያላቸውን ተክሎች ወደ ግቢው በማስገባት የተክሎችን ቁጥር አሳድጓል። የኮሌጁ ዋና መመርያ ተክሎችን መትከል ብቻ ሳይሆን፤ ተክሎቹ አድገው ለተፈለገው ውጤት እስኪበቁ ድረስ ቀጣይነት ያለው ውሃ አቅርቦት፣ ጥበቃ እና ሁለንተናዊ እንክብካቤ ማድረግ ነው።

በአጠቃላይ ፍኖተ ዳሞት ፖሊ ቴክኒክ ኮሌጅ በተግባር የተደገፈ የአካባቢ ልማት በመተግበር ተቋማዊ ውጤታማነትን ለማሳደግ እየሰራ ይገኛል። ይህ እንቅስቃሴ የአካባቢ ጥበቃ ባህልን በማጠናከር ለወደፊቱ አረንጓዴ፣ ለም እና ተስማሚ የሆነ የተቋም ግቢን ለመፍጠር ትልቅ አስተዋጽኦ ያበረክታል።